Sukiyat
Sukiyat utawa kang kerep diceluk
Kiyat menika salah siji petani iwak lan PPL ing tlatah Kulon Progo. Sukiyat
kuwi lair ing Kulon Progo, 25 April 1962. Sukiyat putrane Bapak Amat Djalil
putra sing nomor 5 saka 9. Sukiyat nikah karo Duminingsih lan gadhah putra
loro. Sukiyat makarya dadi pegawai PPL Perikanan lan Kelautan ana ing kecamatan
Wates.
Wiwit cilik sukiyat wis nemoni
prihatin, karo bapakne dilatih nyambut gawe kon ngrewangi madhahi wit jeruk ana
ing polyback. Anggone kulakan winih jeruk ana ing Purworejo ngepit karo
bapakne. Sukiyat nglekasi sekolah ana ing SD N 3 Sentolo banjur neruske ana ing
SMP Muhammadiyah 1 Sentolo. Banjur daftar SPMA, sasuwene anggone sekolah
Sukiyat salah sijining murid kang nduweni prestasi, oleh rangking apik terus. Sak
wise lulus SPMA taun 1982 dheweke langsung daftar dadi PPL Perikanan lan
ditampa dipanggonake ing Gunung Kidul 8 taun. Banjur dipindah ana ing Kulon
Progo nganti saiki.
Sukiyat nglekasi ngingu lan bibitake
lele taun 1996. Anggone bibite lele ana ing tabone bapakne lan nduwe
pirang-pirang kolam. Gawean ngingu lele kuwi mung didadekake samben lan kanggo
nerape ilmune ora mung dikandhake nang petanine. Anggone bibit lele Sukiyat
kerep nemoni rugi lan bathi. Dheweke kudu bolak-balik ngulon ngetan niliki
kolame amarga wiwit kuwi Sukiyat lan kaluargane durung duwe omah dewe, isih
ngontrak ana ing Klangon. Suwe anggone ngontak kurang luwih 11 taun.
Yen pas akeh pesenan lan ora bisa
nampa kabeh, dheweke ora mung ngandalake saka bibite dewe ugi saguh ngolekake
lele tekan ngendi-ngendi utawa pesen karo petanine. Sukiyat dadekake pengalaman
anggone nyemplung lan praktek ternak lele mau kanggo diomonge marang petanine,
ora mung teori ananging uga praktek dewe. Sakwise nduwe omah dewe Sukiyat ora
mung bibitake lele, ugi ndeder grameh. Anggone
nernakake lele rada suda amarga yen pas ngendokake lele ora tau dadi. Tuku
winih grameh cilik lan digedekake 2 minggu lan didol meneh, uga ngedekake
grameh nganti setengah kiloan. Nganti saiki Sukiyat isih tetep ngingu iwak lan
nduwe kelompok tani iwak ing dusune.
Sasuwene dadi PPL Sukiyat nduweni
prestasi apik dibuktekake oleh piala cacah loro.
Tidak ada komentar:
Posting Komentar